pakk

Takk fyrir kommentin elskurnar mínar,hvað ég sakna ykkar allra heima á íslandi (og víðar...). Ég heimta að þið geymið allt slúður, brandara, gamansögur, vandræðalegar sögur, röfl og önnur skemmtilegheit í sérstökum gagnabanka þar til ég drattast á skerið og segið mér svo ALLT, ALLT ALLT þegar við hittumst.

Er búin að vera með smá íslandsþrá síðustu daga, júní heima og af bloggum og emailum að dæma eru allir hressir, upp á esju, úti að djamma, eða á laugaveginum með börnin... svo er ísland nett að elta mig hérna megin, verið að sýna örninn í sjónvarpinu, með endalausu flassbakki gaursins til íslands, hraun í sólskini og brjálæðislega grænt gras, emilíana torrini með lag í auglýsingu, ferðagreinar um ísland í blöðunum og greinar um jarðhitaskólann í ástralska time, og fullt fleira sem ég man ekki. Fékk svo rauðan ópal frá silju um daginn og var næstum búin að bóka far heim...

En, er búin að skila síðustu ritgerðinni þessa önnina og er að farast úr ánægju, skellti mér á barinn með tveimur vinkonum áðan og skálaði og skálaði og skálaði. Gerði mér ekki alveg grein fyrir að ég á svo eftir að pakka fyrir ferðina á morgun... mér finnst eins og ég ætti að vera sérfræðingur í pökkun, en er það svo innilega ekki, set alltaf dótið sem ég þarf mest að nota neðst í bakpokann, þarf svo að rífa það upp aftur, og svo repeat. Hvítvínið hjálpar kannski.

Allavega, ég er að fara til japan á morgun, svooo spennt, næstum skríki af kátínu. Vissi ekki að ég væri svona spennt fyrir japan, en er það greinilega. Verð eina nótt þar, svo til bandaríkjanna á rótarýráðstefnu (þar sem rótarýbrosið á eftir að fá mikla spilun), eftir ráðstefnuna smá ferðalag um utah, tékka á mormónunum og svo aftur til japan í rúma viku í sushi, karaoke, versl, hveri, og almennt hangs. Bara eftir að pakka.

Hendi inn mynd af okkur mömmu í stuði fyrir utan húsið mitt í bris.

Skiliði saknaðarkveðju til íslands,

Óls.