frí frí frí

en hvað er yndislegt að vera í fríi... ég á reyndar að vera að skrifa ritgerð og skýrslu en who cares?! það er líka alveg sérstaklega skemmtilegt að vera í fríi hér, ástralir kunna alveg ótrúlega vel að vera í fríi. fólk grillar í almenningsgörðum, er í frisbí, fer á kajak á ánni, hjólar meðfram árbakkanum og tsjillar...
en ég átti annars frekar íslenska helgi. sigurrós og amina voru með tónleika í brisbane um helgina og sólrún var svo yndisleg að bjóða mér. ég tók ástu með og við glottum af stolti alla tónleikana, þau voru frábær! hittum svo sólrúnu í einn bjór eftir tónleikana en þau voru á leiðinni til nýja-sjálands strax næsta morgun, þannig að við ásta enduðum tvær á bar í kínahverfinu... svo fór ég í páskamat til ástu og skúla á páskasunnudag, kartöflur, rauðkál, baunir og spilað rommí með vilhjálm vilhjálmsson í spilaranum, gæti ekki verið betra.
rótarý hjónin mín tóku sig svo til og fóru með mig í dagsferð á ströndina í gær, borðuðum fish and chips við höfnina og mig langaði til þess að kasta mér í sjóinn af sjávarsöknuði, ég var himinlifandi af því að finna lykt af salti og slori, furðulegustu hlutir sem maður getur allt í einu saknað... skil ekkert í þessu. allavega, kíktum á mangrove tré í flæðarmálinu, sjá mynd, og þau voru að missa sig í að sýna mér alla fugla í kílómetra radíus og ég sem hef akkúrat engan áhuga á fuglum lagði mig alla fram við að þykjast sjá pínulitla svartnefjaða cookaroo fugla með hvítt undir vængnum eða hvað sem það var í laufþykkni, en tréin voru falleg :)

hef fengið athugasemdir um að sýna meira af sætum surf gaurum með þvottabrettismaga, það er allt í farvegi, er að fara í klettaklifur á morgun og á ströndina með vinkonunum á sunnudaginn og ég kem ekki heim án þess að hafa séð þessa vel földu áströlsku sörfara og tekið af þeim mynd og blikkað þá aðeins... það er loforð.

hafið það gott og farið vel með ykkur,
knúserí,
óm