"bara þessa einu kippu?"

var ég búin að segja ykkur hversu mikið ég fíla ástralíu? mig minnir það...
semsagt, ég var úti í búð í dag, súpermarkaðurinn er svolítinn spöl í burtu og því þarf að velja vel og vega og meta hvort hver einn og einasti hlutur sé þess virði að drösslast með heim í hitanum. gerir það að verkum að ferðirnar í súpermarkaðinn taka svoldinn tíma...

ýmislegt er þó þess virði án umhugsunar, súkkulaði, jarðarber og þvottefni, og svo auðvitað bjór. og hér kemur ein ástæðan fyrir því að ég elska ástralíu. Ég fer inn í vínbúðina gjörsamlega klyfjuð af súkkulaði, jarðarberjum og þvottefni og ætla að kaupa bjór. þegar ég kem að búðarborðinu segir afgreiðslustrákurinn frekar hissa og undrandi: "bara þessa einu kippu?" þetta fíla ég, en þar sem ég átti bara tvo putta lausa í pokafylltum höndunum varð ég að svara að eina ástæðan væri að ég gæti ekki haldið á meiru. ég held að hann hefði ekki tekið neinni annarri afsökun sem gildri og leyfði mér því að kaupa kippuna, en ég fór skælbrosandi út, þetta er stemmingsfólk þessir ástralir!

skál fyrir því,
ólöf