jæja, er að lesa Kant, nú eða öllu heldur ekki að lesa Kant akkúrat á þessari stundu. Meðan ég hef "lesið" grein Kants um perpetual peace hef ég sett í vél, hitað kaffi, tekið til og spjallað við Sapna um þvottefni.
annars hefur það komið mér á óvart að eiga eiginlega aldrei lausa stund hér í þessu námi, það er tryllingslega mikið á döfinni, alltaf. Sem er nú bara mjög gott, ef það eru ekki umræðutímar eða seminör, thá eru vinnusmiðjur og fundir, og hádegismatur með Rótarý-fólki, húsfundir eða óformlegir hittingar þar sem rætt er um isma og fleiri isma. Þetta gerir það að verkum að ég þekki engan fyrir utan deildina (fyrir utan meðleigjendurna) og er því eins og snigill í skelinni. Hvað er að gerast í heiminum fyrir utan það að SÞ er að taka við friðargæslu í Súdan? Hver er að deita hvern í Hollywood? Var besta plata í heimi gefin út í vikunni? Kant segir ekkert um það...

en hér fyrir ofan er annars mynd af meðleigjendunum, þeim Sapna og Giri, ásamt Fupi frá Japan sem er litla húsdýrið okkar. Sapna og Giri eru hér að kenna okkur að gera almennilegt karrí, en það tók tvo og hálfan tíma, eitthvað sem nútímakona eins og ég er ekki alveg að taka sem gott og gilt...

en takk allir fyrir að kommenta og senda pósta, mér finnst þetta fyrirkomulag alveg brilliant, ég er alltaf að kíkja og athuga hvort einhver ný komment séu komin! oh ég er svo heppin að eiga allt þetta góða fólk að :)

njótið tilverunnar,
knús
óm