Lóan er farin

sá þessa frétt um daginn á mbl.is og kættist mjög... gott að vita að lóan er velkomin í norðrinu því hér er hún alræmdur skaðræðisfugl sem fólk þreytist ekki á að dissa í gríð og erg. að heita lóa hér er væntanlega eins og að heita mörður á íslandi (sorrí allir merðir sem gætu slæðst til að lesa þetta), en reyndar samt örugglega verra miðað við reiðilegt frussið og rjóðar kinnar sem fylgja áströlsku tali um lóur. kannski eru ástralskar lóur einhver hulk útgáfa af íslenskum lóum en þær eiga td að vera með gadda á vængjunum, afar hefnigjarnt eðli og ráðast á fólk (sérstaklega lítil börn) án allrar ástæðu - ég hætti því alveg að segja fólki hvað lóa þýðir eftir fyrstu vikuna, ekki meira fruss fyrir mig...

verið því góð við lóurnar sem koma til íslands, hver veit hvaða rógburði þær hafa orðið fyrir í vetursetunni.

annars er árshátíð miðstöðvar sþ um helgina, svona heldur lífið vægðarlaust áfram (án mín)... ef þið sjáið fólk í teinóttum jakkafötum og steingráum drögtum í ratleik um kjörbúðir þá bið ég að heilsa þeim :)

knús til ykkar allra,
gaddvængjan