tölvukrass, knús og ritgerðir (aftur...)

ókei, það verða allir að sjá myndina little miss sunshine, svo frábær!

í síðustu færslu talaði ég um að sitja langdvölum fyrir framan skjáinn og stara á hann... nú, skjárinn tapaði þeirri störukeppni allhressilega og ákvað að gefast bara alfarið upp. slökkti á sér blygðunarlaust. upphófust massívar hringingar í ástralska þjónustuver dell (sem er bókað í úthverfum nýju-delhí því allir sem ég talaði við voru með indverskan hreim) og þau gátu ekki sent viðgerðarmann fyrr en eftir fjóra daga. tölvan er mér allt þessa dagana, gluggi minn til umheimsins, vinnutæki, skemmtigræja, ALLT! við tóku skrýtnir fjórir dagar þar sem mér leið eins og ég væri í endalausu rafmagnsleysi, ekkert hægt að gera... magnað hvað maður getur orðið háður þessum græjum.
allavega, viðgerðarmaðurinn kom um daginn og gjörsamlega reif tölvugreyið í sundur, mér leið eins og ég væri að horfa á vin minn í hjartauppskurði, þurfti að bíta í tunguna til að spyrja manninn ekki hvort hann væri ekki örugglega lærður í tölvuskurðaðgerðum og hvort hann vissi hvert allar pínulitlu skrúfurnar og boltarnir ættu að fara aftur... ég náði þó að halda kjafti og tölvan var smíðuð saman aftur, þvílíkt móment þegar skjárinn lifnaði við á ný :)

nú erum við semsagt sameinuð á ný, ég og tölvan, og ég reyni að fríka græjuna ekki út með stari, erfitt samt þegar ég á að skila fjórum ritgerðum á næstu tveimur vikum og heilinn oft í kaffipásu...

fékk þetta myndband sent frá taílenskum krúttvini, af youtube sem hefur stytt mér þær stundir sem ég á að vera að lesa greinar. held að þetta uppátæki sé örugglega ástralskt, þeir eru krúttlegir þessir ástralir. meira knús og minna mas, má samt alveg lækka í laginu sem er undir....

annars var íslenska djammið sem ég talaði um í síðustu færslu frrrábært, drukkum og dönsuðum og sögðum sögur... svoldið erfitt að finna góða tónlist í bris en mjög auðvelt að finna góða vonda tónlist og við nýttum okkur það - til dæmis tókum við ásta all-star ljótudanskeppni við lagið sem ég veit ekki hvað heitir en viðlagið er: "everybody dance now"! eitt besta ljótudanskeppnislag allra tíma!

hver ætlar að koma að heimsækja mig í internship-inu í fiji yfir jól og áramót?

knús,
óm