bara ein til....

ég verð að segja að mér finnst fólk ekki alveg vera nógu mikið á heimsóknarbuxunum... ég meina fiji, ætlar í alvörunni enginn að heimsækja mig til fiji? uss....

allavega, var að skila þriðju ritgerðinni í dag og sú fjórða og síðasta eftir. einhvern veginn virðist undirmeðvitundin hafa ákveðið að þrjár ritgerðir sé barasta gott og nú sé þetta búið. raunveruleikinn er hinsvegar að sú stærsta, 7000 orð, er eftir. ég á að skila á sunnudaginn, en í staðinn fyrir að lesa og skrifa jafnvel eitthvað hef ég horft á alla fyrstu seríuna af 'my name is earl', fyllt út allskyns pappíra varðandi ráðstefnu í júní í salt lake city af öllum stöðum, farið í halloween partý sem sígauni og sá börn og bleikt sólarlag í öllum lófunum, og keypt mér hjól. ég hafði mikið gagn, og einnig nokkurt gaman, af þessu öllu saman en þessi ritgerð skrifar sig ekki sjálf, mér til mikillar armæðu.

vá, ég hef eiginlega bara kvartað í þessarri færslu.... til að vega upp á móti þá verð ég að segja að lífið er dúndurgott, það er kuldabylgja í brisbane sem ég er ekkert smá hress með, allir hinir rótarý-lingarnir eru að fara á frábæra staði í sínu internshipi og stemmingin er góð, og eftir bara eina viku verð ég komin í tíu daga frí :)

fariði vel með ykkur og tékkið á sparibauknum hvort þar leynist nokkuð fargjald til fiji...

knúserí,
óm